VARGHEYE ESHGH

شاهکاری دیگر در ادبیاتِ زاگرس نشینان :

وارگهٔ عشق

یِه دودَرِه قشنگی ، زِه ایلِ بختیاری

وِه زیرِ بالِ مَی نا ، پَلاش وَیدِن دِیاری

وا او بُرگا کمونیش ، تَش ایوَنِه وِه جونُم

چی گُلِ سُهر ایمَهنِه ، مِن دِلِ سَوزماری

ناز که کُنِه اِی دودَر ، سی دلِ عاشقِ مو

مونِه وَنِه دووارتِه ، وِه یادِ وارگِهْ پاری

تِیاش یکی یِه چَنگِن ، لَوواش چی بَرگِ بیدِن

خالکْ طِلا رِی نُفتِش ، وَنُم مِن بیقراری

دلِ مو کوه گِرِهدِه ، سی گُلْ لَچَک ریالیم

چی رِی گُلِش نَدیدُم ، وِه مالِ هفت و چاری

قِر که ایدِه وِه تومبوُن ، ایرومِه اِی دلِ مو

بِرچ ایزَنه چی مَهی ، وِه مِنِه شَووِه تاری

جا بیستون کنُم سیش ، دِنا و زَردِکونه

وا سی دِلش بِچینُم ، هِزار گُلِ بهاری

تو سِتینِ دِلومِی ، ایخوام ریته بِوینُم

تا کی مَندیر بِمَهنوم ، مِن اِی شَووِه غوواری ؟

بِیَو وِه مِن دلُم دِی ، گُلِ مَی نا بِنَوشُم

مو عاشقِ تیاتُم ، مَیّرر خَوَر نَداری؟.

شاعرِمُعاصِر: داوودِ جمشیدیان(مجنونِ بختیاری)